رواية عشق ابيض واسود الفصل السابع 17 الجزء الثالث بقلم عائشة الكيلاني
مراد بصلها و هو مش مستوعب كلامها:- قولتي اي
ابتسمت بسخرية و وجع:- لدرجة دى كلامي صعب عليك .. معاك حق تتصدم فيا خصوصا انى مبقتش البت الى كانت زمان ولا نفس الى حبيتها دلوقتي انا محبتش اخبي عليك لان من حقك تختار الى تبقا ام لعيالك الى اكيد مش انا ربنا يوفقك يا مراد
مراد ساكت و سرحان مليكة قامت اخدت شنطها بصتله و مشيت و دموعها بتنزل حاسه باحتقار لنفسها بتلعن نفسها في كل ثانية فكرت ان تعمل كدا اما مراد قعد مذل مصدوم مليكة تعمل كدا ازاى و ليه تاذي اختها و روحها للاسف رمت نفسها في النار من غير ما تحس
اما مليكة ركبت العربية بتضرب على التركسيون و بتعيط بانهيار لاول مرة تنهار الانهيار دا تتمني ان الزمن يرجع بيها و توقع الى عملته بالليل في فيلا سيف و جميلة
جميلة:- هنفضل في الصمت دا كتير
خديجة:- اتكلمي سامعكي
جميلة حدفتها بالمخدة بخفة:- انتي الى عايزة تتكلمي اي الغباء دا هو القعد مع العيال جننك
خديجة اتنهدت بهدوء:- هو انا يعني يعني افرد اتجوزت حد اصغرر مني هيبقي شكلي اي في المجتمع و هل انتوا ممكن ترفضو دا
جميلة اخدت طبق اللب من على التربيزة بصتلها بهدوء و تفكير:- على حسب يعني لو شخص محترم و كويس مش ها يغدر بيكي يبقا ليه لا ذات لو فرق السن بينكم مش كبير اما بالنسبة الناس ف محدش ليه حاجة عندك خصوصا انتي عمرك ما فرق معاكي الناس و كلامهم مالك واخدها جد ليه
خديجة بتلعب فى شعرها بحيارة و تفكير:- تفتكري ينفع
خديجة بشك:- مش مرتحلك من ساعة ما جيتي و انا مش مرتحلك
خديجة قامت و قالت بغيظ:- تصدقي انا غلطانة ان جيتلك اصلا مش جاية عندك تاني انا معرفش انتوا اخواتي ولا اعداي
جميلة بصتلها ببرود و ابتسامة مستفزة:- فعلا لقينك على باب جامع حتي اسالي ماما
خديجة نفخت بضيقه اخدت شطنتها و خرجت من الفيلا:- طب ابقي شوفي بقا مين الى هيدفع عنك لم تتخنقي مع المحروس بتاعك و هقول لبابا على اخر خناقة و عمليات التجميل وريني بقا مين هيحوش عنك
قالتها و هى برا جميلة كانت بتضحك على اختها و جنانها :- مفيش فايدة جميلة على نور اضربو في الخلاط طالعت دى
اما عند خديجة في العربية وصلت ليها مسيدج
خديجة بملل:- و دا مين دا كمان
خديجة فتحت الفون و قريت المسيدج:- حتي و انتي مضيقة زى القمر بحبك لدرجة مقدرش اوصف حبي ليكي يا عمتو ديجة
خديجة حطت ايديها على قلبها و بقت بتضحك على الرسالة:- عمتوو.. بس مين الى بعت الرسالة مش مكتوب اسم رقم مجهول بس جاب رقمي منين
قالتها بتفكير شغلت العربية و اتحركت على البيت اما في الفيلا
مليكة بدموع:- انا عملت الصح
ملك بصتلها بقلق:- عملتي اي
مليكة تنهدت باختناق و حزن متنكرش انها معجبة بمراد و انا لو كان اتقدم شوية يمكن مكنش كل دا حصل قالت بصوت مرتعش و متقطع:- ا انا قولت لمراد على كل حاجة يا ملك .. حتي لو بقا شايفني شيطانة بس هو من حقه يعرف كل حاجة عني لان لو كملت في الجوازة دى على عماه هبقا بغشه يا ملك
منى دخلت قعدت جانبهم على السرير بصت لمليكة بحزن و عتاب:- مكنش فيه داعي تتكلمي يا مليكة ... خلاص الى حصل حصل و بعدين مفيش حد من اهل يحيى بيحبني ولا عايزني في حيات ابنهم بعد الى حصل هو نفسه لو كمل معايا ف علشان شفقة مش حب
كملت بوجع و مرارة:- مراد بيحبك و مستعد يتحد الدنيا علشانك ازاى تقوليلو على حاجة زى كدا ... طالما ربنا سترك ليه تفضحي نفسك قدام انا عارفه كل حاجة و ان مفيش حاجة اصلا بس ليه تزرعي الشك جواه تجاهك... خلاص توبتي يبقا تقفلي الموضوع مش تقولي عليه
مليكة بألم:- الى بيتبني على كدب هيموت على كدب اخرت الكدب اي غير خراب و وجع يا منى الكدب بيهدم مش بيحل و عمتنا انا راضية باى حاجة هتحصل غلطت و ها تحمل نتيجة غلطي.... يمكن دا ذنبك حقك بيجيلك قدام عينيك يا اختي
منى حضنتها و قالت بقهرة:- بسس... مفيش راحة و انا بشوفك موجوعة انتي عملتيش حاجة كله نصيب يا عبيطة حتي لو معملتيش كدا كنت برضو ها كره من يحيى ربنا يوفقه في حياته
ملك مسحت دموعها و قالت بمزح علشان تغير الموض:- كفاية نكد نكدو عليا و بعدين هو مش المفترض انى عروسة اومال ليه قعدين ولا الى في العزاء يا الى منكم لله
منى مسحت دموعها و مليكة كمان رحمة و نيرة و نورهان جم قعدو جانبهم
رحمة:- احنا بقا اختارنا ليكى كام فستان اي اخر شيكة
نورهان:- بس كلهم اسود
ملك بغيظ:- ما تدفنوني بالمرة ليه اسود يا جماعة مش كدا حسو بيا المفروض انكم تشاركوني فرحتي مش تنكدو عليا كفاية حماتي الى مش عارفه بتكرهني ليه
نيرة اتغطت:- بس برضو انتي مش سهلة فتحتي الصندوق و طالعتى ترزان الست شافت القرد من هنا قامت مصرخة و بتجري زى المجنونة حرام عليكي صعبت عليا
نورهان:- اه بس يا ملك بالطريقة دى ها تخسري تيام لان اى بنادم بيحب الى بتحترم امه مش العكس
ملك:- ماشالله بخد نصايح من اطفال الصغيرين خايفين عليا من جناني مش زيكم اخوات ميعرفوش حاجة غير الحزن و النكد جتكم القرف فصلتوني
منى:- طب لم تتجوزي هكسر وراكي زيررر اي رايك
ملك:- هو مش انتي ليكي بيت ما تروحي على بيتك و خليها تخف شوية
منى:- اااه قولي بقا انكي طمعانة في اوضي مانا عرفكي
ملك:- بس يا ماما هى اوضك دى اوضة
ملك قامت نزلت المطبخ عملت الماسك و اخدت الطبق و طالعت قعدت مكانها و بقت بتحط الماسك:- النشاء مع الخيار جامد بيشد و يرطب البشرة
رحمة اخدت منها الطبق و بقت بتحط من الماسك
منى قامت:- يخرب بيت العك انا قايمة احط من الماسك بتاعى
ملك مسكت الخيار حطيته على عينيها و بتغني مليكة و البنات هما كمان حطو من الماسك و بيغنو
اما في اوضة ياسين و نور
نور مسكة البوم صور و بتلمس صورة يونس اد اي مشتاقة لطفل دا و براته و طيبته حنيته كل حاجة اتبخرت لم ظهرت جاسمين في حياته دموعه نزلت غصب عنها بصت لفوق و هى بتفكر في الى جاي و الى هيحصل بعد كدا و مليكة اي الى هيحصلها بتفكر هتقول لمنة اي سبب رفضها لجوازة بنتها من مراد و منى هل فعلا يحيى ندم و فاق هل فعلا بيحبها ملك و حياتها الجاية هتكون اي هتعرف تتعمل مع حماتها ها تعرف تحبب حماتها فيها ولا هيكون في لبنى تانية و سمر تانية نيرة و نورهان و ليل حطت الاالبوم على التربيزة حطت ايديها على راسها و هى حاسه بصداع ياسين واقف على الباب و القهوة في ايديه:- بطلي تفكير شوية الصداع هيروح و بعدين المفروض ان بنتك اتقرا فتحتها النهاردة
نور بشرود:- و دا الى مخوفني امو شكلها مش صافية لملك خصوصا بعد الحركة السخيفة الى عملتها و .. كمان ليل الى مش عارفه مصيرها اي مع ابنى الناس مصيبتها السبت و الحد و انا مصيبتي الاتنين و ما وردت على حد طب نوح و سامر انا مطمنة عليهم و انهم مش ها يسيبو اخواتهم لكن يونس هو ال الى تعبني
بصت لياسين الى جاه قعد جانبها:- تصدق يونس دا من ضمن اخواته و هو مجنني الكل نايم في عز الليل الا دا لازم اقوم اشيل و اغير و ااكل و احايل و ادلع و اغني لحد ما الباشا ينام في الاخر طالع واطي الواد ضاع ياسين الواد اتجنن
يونس دخل:- ماما مشوفتيش التشيرت الاسود الى بنام بيه
نور اتنهدت قلعت الشبشب و حدفته عليه
يونس بابتسامة:- مجتش فيا
نور اتنرفزت قلعت الفردة التانية و حدفتها عليه يونس دخل قعد جانب الكرسي و مربع رجله:- ما تفكي بقا يا ست الكل و بعدين انا
نور قطعت كلامه:- انت صايع و واطي متخلف حيوان غبي حقير بتشك في ام ابنك يا يونس منك لله عليك و على تربيتك القذرة
يونس بص لياسين الى ولا اكنه سامع حاجة:- بابا قول حاجة عجبك الى مراتك بتعمله دا
ياسين:- قالت الى نفسي اقوله واحد مترباش ولا سمع حاجة عن التربية معرفش كونا فين لم انت كبرت هتعمل اي مع ليل
يونس:- مانا هنا علشان تلقوا حل على الى بيحصل انا عارف انى غلطت و انى واطي بس انا انسان و بغلط دا طبيعي و بعدين حرام ابننا يكبر يلقى ابوه و امه منفصلين ليل مصممة على الطلاق و رافضة تتكلم معايا أو تشوفني
نور:- انا لو كنت مكانها كنت دفنتك انت كسرتهاا و اوى انت ذلتها ندمتها على حبها ليك استامنتك على نفسها في الاخر عملت اي مااا تتكلم
يونس:- انتي ام مين فينا
يونس اخد المج بتاع نور و بقا بيشرب القهوة نور بصتله بعصبية و حادة ياسين بيشرب القهوة و بيشاهدهم يونس اخد البوم الصور و بص لامه:- امى انتي ليه في الصورة دى اكنك مغصوبة على الجوازة
نور ببرود:- لان كنت حاسه اني هجيب عيل غتت و الى هو انت ف طبيعي اكون مكشرة و مغصوبة على الجوازة
يونس قالب الصفحة:- ههه حلوة الصورة دى امى انتي بؤك كبير بجد الروج الى كنتي حطه مبوظ شكلك اي المكياج دا و الفستان و
نور بصتله بطرف عينها:- و انت بقا بقيت الناقد التجميلي
يونس:- لا عشت ولا كنت بس انا بقول رايى و حق المواطن ان يشارك رأيه...
يونس قام وقف جانب ابوه و حط الالبوم قدامه:- طب بص كدا يا حاج بذمتك مش شعرها لو كان ملموم كان هيبقا احلي و الاوصة كمان لو كانت كلها على جانب واحد أو برضو ملمومة كانت هتبقا احلي امى هو مين الحمار الى عمل فيكي كدا و و كمان الفستان لو كان اقصر و نص كان برضو هتبقي تجنني اااااه وادني يا حاج مش كدا
ياسين:- لييه اكياس جوافة معاها.. انت بتعمل اي في حياتى
نور كانت بتبص عليهم و مسكة نفسها من الضحك:- بينتقد شكلي طب يونس بالنسبة لون الفستان اي نظامه
يونس بص لصورة بتركيز:- ممم اعتقد لو كان لونه اسود كان هيبقا تحفة
ياسين:- دا انا الى ها سود ايامك لا متلمتش
يونس:- مش برد على سؤالها
يونس اخدت الالبوم و خرج جري دخل اوضته كانت ليل قعدة على الاب توب بتاعها يونس قعد جانبها قفل الاب توب
ليل بهدوء:- تمام الاوضة اوضك و البيت بيتك انا قايمة علشان تبقا براحتك
يونس مسك ايديها ليل قعد غصب عنها:- ليل بلاش كلام لان والله مصدع بصي كدا دا البوم الصور بتاع فرح الحاج و الحاجة
ليل:- اي دا بجد وريني كدا لحظة واحدة
ليل خرجت خبطت على اوضة نسمة:- نسمة نامتي
نسمة من جوا:- لا صاحية
ليل:- طب ممكن خمس دقائق
نسمة فتحت الباب:- في اي يا ليل
ليل:- انا اسفة بس ممكن تجي انتي و نوح تقعدو معايا انا و يونس ارجوكي
نسمة رفعت شعرها من على عينيها:- ليه بقا اتخنقتو يعني عملتي مصيبة و خايفة يقتلك
ليل ربعت ايديها:- تو انا لسه مش طايقة اتكلم معاه بس مش عايزة اقعد انا و هو لوحدنا لو ينفع نامو عندنا النهاردة
نسمة:- دى راحت منك خالص
ليل مسكت ايديها برجاء:- بليز يا نسمة اقفي جانبي اختك في ضيقة و قهرة
نسمة:- بعد الشر عليكي يا روحي من القهرة بصي ورحي و انا جاية وراكي انا و نوح تمام
ليل بصتلها بهدوء و رجعت اوضتهم و قعدوا في الصالون بتاع اوضتهم بعد شوية جات نسمة و نوح
يونس:- انتوا بتعملوا اي هنا
نوح قعد:- يا ساتر على قلت ذوقك و ادبك احنا بنعمل اي هنا انا ماشي
نسمة مسكت ايديه برجاء:- خلاص بقا يا حبيبي خليني قعدين شوية
سامر جاه و شروق وراه بالفشار عطت لكن واحد طبق و قعدوا
يونس:- بيم ان كلكم متجمعين ان معايا البوم صور امكم و ابوكم في فرحهم و معايا كمان الفرح كله
سامر ؛- و الاب توب اهو
شروق:- لحظة واحدة ماما عارفه انك اخد أسطوانات الفرح ولا لا علشان حرام ناخد حاجة من حد من غير أذنه حتي لو كانت امكم حرام الكدب و
يونس:- ييييه لا كدا كتير شوفي يا اخت شروق علشان انا هتجلط
سامر:- شوف انت هتقعد زي الجزمة تتفرج بادبك ها تقعد تعمل فيها ناقد سينمائي و تحلل الفرح هاديك بالجزمة و انت يا نوح باشا هتقعد تسال و تعلق هزعلك بقولك قدام مراتك علشان تبقا شاهدة
كلهم قعدوا على المقاعد الى في الارض سامر شغل الفرح و برضو نوح بيعلق و يسال و يونس عمل فيها ناقد سينمائي
نوح بتسال و مزح:- هى امي مش بتضحك ليه بتقولها اي فرح دا ولا مؤتمر صحفي
سامر بصلهم بغيظ:- اهى عندكم روحو اسالوها
يونس:- و على اي نتفرج بكرامتنا احسن بس لو كانت لبست كعت اوطي من كدا كان هيبقا احلي و كمان الفستان لو كان فانش كان هيبقا احلي
ليل بعفوية:- يخرب بيتك انت مسبتش حاجة في امك منتقدهاش على فكرة بقا هى قمر من غير حاجة انت من أعداء النجاح انا مش عارفه انت ابنهم ازاى
يونس:- زى ما انا جوزك
ليل:- خليك في حالك يا اخ
يونس:- خوت في نفوخك
ليل:- بلاش غلطط
نوح لنسمة:- هو دا الى هيحترمو وجودنا مااا خلاص يا زفت منك ليها ليل نهار خناق اتهدو شوية صدعتو الواحد اي الملل دا جري يا سامر
سامر بملل:- مش مجري حاجة و سبوني اتفرج على الفرح بهدوء شوشو هاتي لب
شروق:- اتفضل
نسمة:- معندكش شيبسي بالجبنة
ليل:- عندي بالشيدر
نسمة:- مش بحبه
شروق:- معايا بالملح
نسمة:- هاتي و خدي انتي الى بالفراخ
شروق:- هاتي
شروق:- بس بجد الفستان حكاية و التاج كمان بصراحة هى كلها على بعضها قمر
نسمة:- بس لايمة بصي السيطرة
نوح:- اااي ياختي منك ليها دى امى انتوا الى بطلو لأما و جو رضوى الشربيني الى عايشين فيه
يونس بص لى ليل:- مجبتش حاجة من عندي ظهر الحق يا ناس
شروق:- الحق يا سامر خالك عينيه بدمع بص مسك دموعه ازاى و بابا بيغيظه بص النظرات
نسمة حطت راسها على كتفها:- انتصرت بعد عذاب
ليل:- و بقيت شاعرة كمان
نسمة:- اومال بس هى ليه ستك مكنتش مبسوطة دى مرقصتش مع امك خالص
ليل:- و كمان مرقصتش اي الفرح الغم دا يا جدعان
شروق:- الحق يا سامر عمتك قلعت الجزمة ماشاء الله الفرحة مش سايعها بس طنط عائشة بتزغرط حلو اوي ابقا اخليها تعلمني
نسمة:- طنط حياة و طنط منة بيرغو في اي
ليل:- اكيد بتقولها الفرح مش حلو
نسمة:- او العريس نكدي
ليل:- أو مخادع مثلا
سامر بعصبية:- انتوا بتقوولو اي احنا هنتفرج في صمت و الى هتنطق ها قتلها
قعدوا يتكلموا و يتفرجوا و مش مواقفين تعليقات على الفرح و الناس اما في اوضة
تاني يوم في بيت اسر و لبنى في الجنينة
ادم بتوتر:- الحقيقة انا بعتذر من حضرتك انى جيت من غير معاد
اسر:- ولا يهمك انت تجي في اى وقت يا ادم مش اسمك ادم برضو
ادم:- اه دا اسمي انا
لبنى بابتسامة:- اخ شروق مرات اسر الصغير تشرب اي
ادم:- ملوش لزوم يا طنط
لبنى:- كدا عايز تزعلني منك يا ادم اسيبكم تتكلمو مع بعض
لبنى قامت و خرجت من الجنينة بعد شوية دخلت الشغالة و قدمت ليهم عصير و معاه حلو
اسر:- طب انا معرفش انت عايز تتكلم في اي علشان ابدا الموضوع
ادم:؛ احم انا مش عارف ها تصدقني ولا لا بس انا بحب ديجة بنت حضرتك و جاي اطلب ديجة لجوز دا بعد اذنكم طبعا
اسر سكت شوية و بعدين قال بهدوء و تسال:- قولت اي عيد لانى مسمعتش
ادم:- انا جاي اطلب الانسة خديجة بنت حضرتك لجواز
اسر اتصدم
يتبع
لبنى كانت معترضة على نور علشان اكبر من ابنها دلوقتي بنتها جاي ليها عريس اصغر منها رايكم في يونس و اخواته رايكم مراد خلاص كدا ولا هيرجع
يا تري لبنى لم تعرف هتعمل اي و اسر هيوافق ولا لا
